Maya and Aztec

U CAB BANBAL.

C’U YOPIZAH CHUVACH AHAU HOBTOH.

---

U BELEHMUL CA CHAU
RABINAL-ACHI.

Cala, Ahau, cala, Xokahau! qu’i qamo chire chi cah, qu’i qamo chire uleu, varal Lal gaharinak, Lal muharinak chuxe u muhibal gug-raxon, chupam u nimal tzak u nimal qoxtun. Quehe in qo va in oyeual La, in achihilal La, mi-x-i yopih c’uloc chi chi La, chi vach La, chupam u nimal tzak u nimal qoxtun, quehecu hun oyeu, hun achi re qui mi-x-ka chugabeh kib ruq chi oxlahu-vinak gih, oxlahu-vinak agab, chirih u nimal tzak qoxtun qo ka varam ma-habi ka yacalem ruq, quehecut mi-x-u ya cah, mi-x-u ya uleu, mi-x-tzak cut chupam r’al nu chab, chupam r’al nu pocob; mi-x-in tzakcaamah, x-in tzakcolobeh chirech nu zaki caam, nu zaki colo, ruq nu yaquim vit, nu yaquim icah, nu chincu, nu galgab, nu zalmet. Quehecut mi-x-in qut u chi oyeu ri achi, mavi cuhuhic; huzuc x-u hiquibatah u vach u huyubal u tagahal chi nu chi, chi nu vach, in oyeu, in achi! Are oyeu, are achi c’u ban r’ogibal utïu, c’u ban r’ogibal yac, c’u ban r’ogibal utuy halou, chirih u nimal tzak u nimal qoxtun, chirech qui boyexic, qui cacalexic ri zakil al zakil qahol. Are oyeu, are achi mi-x-e qizouic beleheb, lahuh zakil al, zakil qahol: xavi are oyeu mi-x-ul elezax Alak rumal chiri Ch’Atinibal. Are oyeu achi mi-x-e u qizo caib, oxib u gab amag, zivan-tinamit xe Balamvac tintot-vi poklah, ch’ucheexic. La-hanicpa cut mavi qizouic r’ahabal u qux La chirech va oyeual, va achihilal? Ma-pa mi-x-oh pixabaxic cumal k’ahaual, ka vinakil, e r’ahaual u pam huhun chi tzak, chi qoxtun, ahau Tekentoh, ahau Teken-Tihax, Gumarmachi Taktazib, Taktazimah, Cuxumaah, Cuxuma-Zivan, Cuxuma-Cho, Cuxumacab, Cuxuma-Tziquin, qui bi, qui chi, qui vach. Are nacu x-ch’ul u tohorizah ri, varal chuxmut cah, chuxmut uleu. Quehecut varal ca ka chay-vi u vixal, u cutamil, varal chuxmut cah, chuxmut uleu, Lal v’ahaual, Ahau Hobtoh!

U NABEMUL CA CHAU
AHAU HOBTOH.

V’oyeualal, v’achihilal! Qamo chirech cah, qamo chirech uleu! mi-x-yopih c’ulo La chupam u nimal tzak u nimal qoxtun, chi nu chi, chi nu vach, in ahaual La, in Ahau Hobtoh! qamo ba chirech cah, qamo ba chirech uleu, ve mi-x-u ya cah, mi-x-u ya uleu ri oyeu, ri achi, ve mi-x-tzakic chupam r’al chab La, r’al pocob La, mi-x-tzakcaamah La, mi-x-tzakcolobeh La ri oyeu, ri achi! Hocotahil-ta bala chi coh-ta c’ulo La chi nu chi, chi nu vach, can v’il na u chi, ca v’il u vach, hanic-pa chi oyeu, hanicpa chi achi … Xacuxere mi-x-chi pixabah-ta ba ulo La ri oyeu, ri achi. Ma-ta chi vohohic, ma-ta chi tililic, ta ch’oc uloc chu chi u nimal tzak u nimal qoxtun: rumal varal logoxel, maihaxel chupam u nimal tzak u nimal qoxtun. Rumal varal qolic cablahuh r’atz, cablahuh u chag, ahpuvakinel, ahxitanel. Maha chi tzacatic qui chi, qui vach. Culo are oyeu mi-x-ch’ul-ococ qui tzacat qui molah chupam u nimal tzak u nimal qoxtun? Xavi-qui varal qolic cablahuh u ganal Cot, u ganal Balam; xavi ma-ha chi tzacat qui chi, qui vach, colo are oyeu x-ch’ul-ococ qui tzacat? Xavi-qui varal qolic puakim tem, puakim culibal; qoh culibeyom, ma-habi culibeyom: culo are oyeu, culo are achi mi-x-chi ch’ul cubulibenak? Xavi-qui varal qolic cablahuh uquïa, cablahuh umatul, ixtatzunun u bi ri, que ca zililic, ca tiriric quicoh, cabcoh, can tihol ca ma var, varal chupam u nimal tzak qoxtun, r’uquïa ahau; culo are oyeu x-ch’ul tihou-oc? Xavi-qui varal qolic lagan u gin coxah u va ri qui calatz ca banic, u banom nu te, nu Xokahau culo are oyeu, culo are achi x-ch’ul zauoc u chi u vach? Xavi-qui varal qolic tzapilic ri u Chuch-Gug u Chuch-Raxon, ri petenak Tzam-Gam-Carchag: culo are oyeu, culo are achi x-ch’ul zao u chi u vach; x-ch’ulo metzezeh chupam va u nimal tzak va u nimal qoxtun; culo are oyeu ch’ul ococ hiaxel, baluquixel chupam u nimal tzak, chupam u nimal qoxtun. Ve nimanel, ve octizanel, ve ch’u me rib, ve ch’u me u vach ta ch’oc uloc. Ca cha curi nu tzih chuvach cah, chuvach uleu. Quehe cah uleu chi qohe uq La, Galel-Achi, Rabinal-Achi!

U LAHMUL CA CHAU
RABINAL-ACHI.

Ahau Hobtoh! qui yuxtah-ta La chuvach cah, chuvach uleu! Ca cha ba ri nu tzih chi ech La: Areta-ba va nu couil, va v’achihilal yaom La, hetezam La chuvech, chi nu chi, chi nu vach. Ch’in canah-ta na bala varal nu chab, varal nu pocob. Chi quu-ta na La, chi tzapih-ta La chupam u chuyal u pakabal! ch’uxlan-ta na, xavi ta qu’in uxlanic, rumal qo ka varam ma-habi ka yacalem ruq. Quehe x-ca nu canah canoc chupam u nimal tzak u nimal qoxtun. Ca cha curi nu tzih chuvach cah, chuvach uleu. Cah, uleu chi qohe uq La, v’ahaual, nu vinakil, Ahau Hobtoh!

U CAMUL CA CHAU
AHAU HOBTOH.

V’oyeualal, v’achihilal! La ca cha ri tzih La chuvach cah, chuvach uleu? «Are-ba va nu couil, va v’achihilal, varal nu chab, varal nu pocob, yaom La, hetezam La, chi nu chi, chi nu vach: ca nu canah-ta na cu canoc chi quu ta na La, chi tzapih-ta na La chupam u nimal tzak qoxtun, chupam u chuyal, u pakabal.» La ca cha ri tzih La?… La hulacha x-ch’in quu, x-ch’in tzapih chupam u chuyal, chupam pahabal? Nakubi chi curi ri toobalil La chuvach la x-ulan uloc pahal uloc chu holom uleu, chi r’akan uleu? Xavi nakubi chi curi ri toobal que ri k’al ka qahol, ri mi-x-que el ubic chuvi qui zukunic qui cahalenic chi cahpa chi cah xucutal? are na curi humul chic, camul chic ca yac na ubi La, va couil La, va achihilal La, varal chab La, varal pocob La, va nu yaom chi ech La, v’oyeualal, v’achihilal, Galel-Achi, Rabinal-Achi! Quehe cah, uleu chi qohe uq La!

HULAHUHMUL CA CHAU
RABINAL-ACHI.

Utz quehecu bala, ve x-ch’in yac ubi va nu couil, va v’achihilal yaom ta, qu’hetezam La chi nu chi, chi nu vach. Quehecut ca nu yac ch’ubi humul chic, camul chic, ca cha curi nu tzih chuvach cah, chuvach uleu. Quehecut ca nu canah ca na La chupam u nimal tzak u nimal qoxtun. Cah, uleu chi qohe uq La, v’ahaual, nu vinakil, Ahau Hobtoh!

ROXMUL CA CHAU
AHAU HOBTOH.

Utz bala, v’oyeualal, v’achihilal! Ba naal qo-ta ma pah-tah La, ma zocotah La, v’oyeualal, v’achihilal, Galel-Achi Rabinal-Achi! Cah, uleu chi qohe uq La!

Tagged as: Maya